İlon Mask oğlunun adını dəyişdi

İlon Mask və əsl adı Klar Elis Bouçer olan kanadalı müğənni Qraymsın ilk övladı 4 may 2020-ci ildə doğulub.

Teleqraf.com xəbər verir ki, Mask “Twitter”də bununla bağlı paylaşım edib və oğlunun adının X Æ A-12 Mask olduğunu açıqlayıb.

Cütlüyün ad dəyişikliyini elan etməsindən bir ay keçməmiş körpənin adı doğum haqqında şəhadətnamədə rəsmən təsdiqlənib. Körpənin sənəddəki adının “X”, atasının adının “AE A-XII”, soyadının isə “Mask” olduğu bildirilib.

Qrayms “Twitter”də etdiyi paylaşımda oğullarının bənzərsiz adının mənasını izah edərək “X”-in riyaziyyatda naməlum dəyişəni təmsil etdiyini, “Æ” isə AI, yəni süni intellektin Elf dilində yazılışı olduğunu və müxtəlif dillərdə “eşq” simvolu anlamına gəldiyini qeyd edib.

“A-12” döyüşdə qeyri-zorakı təbiəti səbəbi ilə hər ikisinin heyranlıq duyduğu SR-71 təyyarəsinin sələfi ilə bağlıdır. Bundan başqa, A-12-dəki A hərfi isə Qraymsın ən sevimli mahnısı olan “Archangel”in qısaldılmış variantıdır.