Şiddətli döyüşlər xilasetmə işlərini ləngidir - Cəmi 10 nəfər...

Qəzza zolağında yerləşən Rəfah şəhərindən daha 10 nəfərin meyiti dağıntılar altından çıxarılıb.

Teleqraf.com xəbər verir ki, bu barədə "Al Jazeera" saytından bildirilib.

Məlumata görə, şəhərin bir neçə müxtəlif bölgəsində axtarış-xilasetmə işləri aparılıb. Şiddətli döyüşlərin bölgədə xilasetmə əməliyyatlarını ləngitdiyi bildirilir.

Rəfahla yanaşı, Qəzzanın mərkəzi hissəsində daha 3 nəfərin gecə boyunca davam edən hücumların qurbanı olduğu açıqlanıb.

Deyr Əl-Bələx şəhərindən bir neçə kilometr uzaqlıqda yerləşən Bureyc qaçqın düşərgəsi güclü bombardmana məruz qalıb. Hücumlar nəticəsində bölgədəki 15 müvəqqəti çadır yararsız vəziyyətə düşüb.