Kavelaşvili Gürcüstan prezidenti kimi and içdi - Yeniləndi

Gürcüstanın VI prezidenti Mixeil Kavelaşvilinin inauqurasiya mərasimi başa çatıb.

Teleqraf.com xəbər verir ki, o, İncilə və konstitusiyaya əl basaraq and içib, Gürcüstana ləyaqətlə xidmət edəcəyini bildirib.

Mərasimdə Gürcüstanın baş naziri İrakli Kobaxidze, hakim “Gürcü Arzusu” partiyasının fəxri sədri Bidzina İvanişvili də iştirak edib.

***

11:06

Gürcüstan parlamentinin binasında ölkənin VI prezidenti Mixeil Kavelaşvilinin inauqurasiya mərasimi başlayıb.

Teleqraf.com xəbər verir ki, onun and içməsindən sonra xorun ifasında dövlət himni səsləndiriləcək.
M.Kavelaşvili daha sonra nitq söyləyəcək.

Mərasim aksiya fonunda keçirilir. Parlamentin binası önündə “Kavelaşviliyə qırmızı kart” adlı aksiyaya etirazçılar toplaşır.