Ronaldunun komandası 107 milyon avroluq transferə hazırlaşır

İngiltərənin "Brayton" klubunun futbolçusu Karou Mitoma karyerasını Səudiyyə Ərəbistanı Pro Liqasında davam etdirə bilər.

Teleqraf.com "Goal.com" saytına istinadən xəbər verir ki, yaponiyalı yarımmüdafiəçi Kriştiano Ronaldunun çıxış etdiyi "Əl-Nəsr"in maraq dairəsinə düşüb.

Səudiyyə təmsilçisi Mitoma üçün "Brayton"a 107 milyon avroluq təklif hazırlayır.

Daha əvvəl Premyer Liqa klubu "Əl-Nəsr"in 65 milyona avroluq təklifindən imtina etmişdi.

Qeyd edək ki, Karou Mitoma 2022-ci ilin yayından "Brayton"da çıxış edir. O, cari mövsüm ərzində meydana çıxdığı 25 oyunda 5 qol və 3 məhsuldar ötürmə müəllifi olub.