Kriştiano Ronaldu yeni rekorda imza atıb

Səudiyyə Ərəbistanının “Əl-Nəsr” klubunun futbolçusu Kriştiano Ronaldu klub səviyyəsində 700-cü qələbəsini qazanıb.

Teleqraf.com "Marca"ya istinadən xəbər verir ki, portuqaliyalı ulduz hücumçu buna ötən gün Səudiyyə Ərəbistanının Pro Liqasında "Əl-Raed"lə (2:1) oyunda nail olub. O, tarixdə klub səviyyəsində bu rəqəmə çatan ilk futbolçu olub.

40 yaşlı oyunçu Portuqaliyanın “Sportinq” klubu ilə 13, İngiltərənin “Mançester Yunayted” komandası ilə 214, İspaniya “Real Madrid”i ilə 316, İtaliya “Yuventus”u ilə 91, “Əl-Nəsr”lə isə 66 oyunda qələbəyə sevinib.

Qeyd edək ki, Kriştiano Ronaldunun "Əl-Nəsr"lə hazırkı müqaviləsi yaya kimi nəzərdə tutulub. O, cari mövsüm ərzində iştirak etdiyi 24 oyunda 21 qol və 4 məhsuldar ötürmə ilə yadda qalıb.