Suriyaya qarşı sanksiyalar bu halda ləğv ediləcək

Avropa Birliyi Suriyaya qarşı sanksiyaları ləğv etmək üçün bütün kənar ölkələrin buradakı hərbi bazalarının ləğv edilməsi şərtini irəli sürüb.

Teleqraf.com xarici mətbuata istinadən xəbər verir ki, bu barədə Aİ-nin yüksək səviyyəli nümayəndəsi məlumat yayıb.

“Biz artıq Suriyadakı yeni hakimiyyət orqanlarına çatdırmışıq ki, münasibətlərin normallaşması üçün kənar hərbi bazalar bu ölkədən çıxarılmalıdır”, – Aİ sözçüsü bildirib.

O qeyd edib ki, Brüssel artıq Dəməşqdən cavab alıb və orada Suriyanın gələcəkdə bu məsələyə baxa biləcəyi bildirilir.