Ceyhun Bayramov Latviyanın xarici işlər naziri ilə danışıb

Azərbaycan Respublikasının xarici işlər naziri Ceyhun Bayramov ilə Latviya Respublikasının xarici işlər naziri Baiba Braje arasında telefon danışığı baş tutub.

Teleqraf.com xəbər verir ki, telefon danışığı zamanı Azərbaycan və Latviya arasında gündəlikdə duran məsələlər, regional və beynəlxalq təhlükəsizlik vəziyyəti müzakirə edilib.

Ölkələrimiz arasında bir sıra istiqamətlər üzrə ikitərəfli, o cümlədən regional və beynəlxalq təşkilatlar çərçivəsində çoxtərəfli əməkdaşlığın inkişafında qarşılıqlı səfər və təmasların əhəmiyyəti qeyd olunub.

Telefon danışığında, həmçinin qarşılıqlı maraq doğuran digər məsələlər ətrafında fikir mübadiləsi aparılıb.