DSX ölkəyə qaçaqmalçılıq yolu ilə keçirilən külli miqdarda narkotikin qarşısını aldı

İrandan Azərbaycana 16 kq-dan çox narkotik maddənin keçirilməsinin qarşısı alınıb.

Teleqraf.com xəbər verir ki, bu barədə Dövlət Sərhəd Xidmətinin (DSX) yaydığı məlumatda qeyd olunub.

"Dövlət sərhədinin etibarlı mühafizəsinin təmin edilməsi, qaçaqmalçılıq və narkotik vasitələrin qanunsuz dövriyyəsinə qarşı keçirilmiş sərhəd axtarışı və əməliyyat tədbirləri nəticəsində yanvar ayının 30-da saat 11:20-də Dövlət Sərhəd Xidmətinin Sərhəd Qoşunları Komandanlığının “Göytəpə” sərhəd dəstəsinin xidməti ərazisində ümumi çəkisi 16 kiloqram 400 qram narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İran İslam Respublikasından Azərbaycan Respublikası ərazisinə keçirilməsinin qarşısı alınıb", - deyə məlumatda vurğulanır.

Fakt üzrə əməliyyat-istintaq tədbirləri davam etdirilir.