"Australian Open"in qalibləri məlum oldu

Tennis üzrə Böyük Dəbilqə seriyasından ilin ilk turniri sayılan "Australian Open"ə (Avstraliyanın açıq çempionatı) yekun vurulub.

Teleqraf.com xəbər verir ki, kişilərin fərdi mübarizəsində italiyalı Yannik Sinner qalib olub. Peşəkar Tennisçilər Assosiasiyasının reytinqində birinci yeri tutan Sinner finalda Almaniya təmsilçisi Aleksandr Zverevə qalib gəlib. 2 saat 43 dəqiqəlik mübarizə 3 setin yekunu onun 6:3, 7:6 (7:4), 6:3 hesablı qələbəsi ilə yekunlaşıb. Sinner ötən il də "Austalian Open"in qalibi olmuşdu.

Qadınların fərdi mübarizəsində isə ABŞ təmsilçisi Medison Kiz finalda belaruslu Arina Sobolenkodan üstün olub - 6:3, 2:6, 7:5. Rəqiblər meydanda 2 saat 2 dəqiqə keçiriblər. Sobolenko əvvəlki iki "Australian Open"də fərdi mübarizədə qalib olmuşdu.