Bakıda bəzi parkinqlər bu tarixə qədər ləğv edildi

Şəhərin xüsusən mərkəzi ərazilərində parklama nişanlarının üstü bağlanıb. Bu isə parkinqlərin müvəqqəti olaraq bağlanılması deməkdir.

Teleqraf.com xəbər verir ki, buna baxmayaraq bəzi sürücülər hələ də həmin ərazilərdə avtomobillərini saxlamağa davam edirlər. Onlar bu nişanların niyə bağlandığından məlumatsızdılar.

Məsələ ilə bağlı aidiyyəti qurumdan Milli.az-a bildirilib ki, qadağa COP29 tədbiri ilə bağlıdır. Belə ki, tədbir günlərində nişanların tutulduğu ərazilərdə hərəkətin intensivliyini təmin etmək məqsədilə parkinq xidməti fəaliyyət göstərməyəcək.