Gəncədə dörd avtomobil toqquşdu - Xəsarət alan var

Gəncədə dörd avtomobilin toqquşması ilə nəticələnən yol-nəqliyyat hadisəsi baş verib.

Teleqraf.com xəbər verir ki, hadisə şəhərin Fətulla Həsənov küçəsində qeydə alınıb.

"BMV", "VAZ 2107", "NAZ LİFAN" və "Mercedes" markalı avtomobillərin toqquşması nəticəsində 29 yaşlı Əhmədova Günay Azər qızı müxtəlif dərəcəli bədən xəsarətləri alıb.

Yaralı ətrafdakı insanların köməyi ilə yaxınlıqdakı xəstəxanaya yerləşdirilib.

Hadisə yerinə Gəncə Şəhər Yol Polisi İdarəsinin əməkdaşları cəlb olunublar. Araşdırma aparılır.