Kafedə cinayət törədən gənc tutuldu

Bakının Sabunçu rayonunda qadına qarşı cinayət törədən gənc həbs edilib.

Bu barədə Teleqraf.com-a Sabunçu rayon Polis İdarəsindən məlumat verilib.

Məlumata görə, Sabunçu qəsəbəsi Ə.Məmmədəliyev küçəsində qəsəbə sakini Ramin Qasımova məxsus mağazadan, qapını sındırmaqla tütün məmulatı, məişət və geyim əşyaları oğurlanıb.

Sabunçu rayon Polis İdarəsinin 12-ci polis bölməsi əməkdaşlarının keçirdiyi əməliyyat tədbirləri nəticəsində, oğurluqda şübhəli bilinən İmişli rayon sakini, 1989-cu il təvəllüdlü Rahim İmanov tutulub.

Müəyyən edilib ki, o mayın 16-da Sabunçu qəsəbəsi Məmmədəliyev küçəsində yerləşən kafedə, orada işləyən qəsəbə sakini Nərminə Abbasovanın əl çantasından 83 manat və iki mobil telefon oğurlayıb.

Hacı Zeynalov