Daşqınlar nəticəsində ölənlərin sayı artdı

İspaniyanın Valensiya muxtariyyətində leysan yağışlar və daşqınlar nəticəsində 70 nəfər həlak olub.

Teleqraf.com xəbər verir ki, bu barədə "RTVE" dövlət teleradio şirkəti məlumat yayıb.

“Kastiliya-La-Mançada Kuenka və Albasete şəhərlərində daşqınlar nəticəsində iki nəfər həlak olub, Letur bələdiyyəsində isə ən azı altı itkin düşmüş şəxsin axtarışları davam etdirilir”, - məlumatda deyilib.

Oktyabrın 30-da səhər saatlarında “The Guardian” qəzeti İspaniyada daşqınlar nəticəsində 7 nəfərin itkin düşdüyünü bildirib. Valensiyada yağan yağışlar səbəbindən dəmir yolu və magistral yolları su basıb, bölgədə sürətli qatarların hərəkəti dayandırılıb.