Suriya paytaxtında partlayışlar baş verdi - Dəməşqə hava hücumu

Suriyanın paytaxtı Dəməşqdə gecə ərzində partlayışlar qeydə alınıb.

Teleqraf.com xəbər verir ki, bu barədə CNN yerli mənbələr istinadən məlumat yayıb.

Partlayışların səhər saatlarına qədər davam etdiyi bildirilib. Hücumların kim tərəfindən həyata keçirildiyi hələlik məlum deyil.

Reuters xəbər agentliyi İsrailin ötən gün axşam saatlarında Dəməşqə 3 hava zərbəsi endirdiyini iddia edib.

Lakin, İsrail tərəfi CNN-nin məsələ ilə bağlı sorğusuna cavab verməyib.