Husilər ABŞ-nin aviadaşıyıcısına hücum etdi

Yəmənin üsyançı "Ənsar Allah" hərəkatı Qırmızı dənizdə ABŞ-nin "USS Harry Truman" aviadaşıyıcısına raket və dronlarla hücum edib.

Teleqraf.com xəbər verir ki, bu barədə husilərin yaratdığı silahlı qüvvələrin nümayəndəsi Yəhya Səriya deyib.

“Yəmənin raket və pilotsuz sistem qüvvələri birgə hərbi əməliyyat keçirərək, Qırmızı dənizin şimalında ABŞ-nin “USS Harry Truman” aviadaşıyıcısına iki qanadlı raket və dörd dronla hücum edib”, – hərəkatın sözçüsü bildirib.

Hücumun nəticələri barədə hələ ki məlumat yoxdur.

Husilərin açıqlamasına görə, ABŞ Yəmənə kütləvi hava zərbəsi endirməyə hazırlaşırdı, lakin onların hücumu səbəbindən bu cəhdin qarşısı alınıb.