Sumqayıtda qonşular arasında dava - Qadın xəstəxanaya yerləşdirildi

Sumqayıtda kişi qadın qonşusuna xəsarət yetirib.

Teleqraf.com-un yerli bürosunun verdiyi məlumata görə, hadisə şəhərin Xəzər bağları yaşayış massivində qeydə alınıb.

1983-cü il təvəllüdlü Mikayıl Nurəddin oğlu Şərifov qonşusu 1958-ci il təvəllüdlü Mehparə İmanqulu qızı Ələkbərovanın başına dəmir parçası ilə xəsarət yetirib.

Sumqayıt Tibb Mərkəzindən Teleqraf.com-a bildirilib ki, 1958-ci il təvəllüdlü qadın Təcili Tibbi Yardım Xəstəxanasına hospitalizasiya olunub.

Qapalı kəllə-beyin travması diaqnozu ilə Reanimasiya şöbəsinə yerləşdirilən şəxsin hazırda müalicəsi davam etdirilir, vəziyyəti ağırdır.

Faktla bağlı araşdırma aparılır.