CNN-də ciddi ixtisarlar gözlənilir

Amerikanın xəbər telekanalı CNN yüzlərlə əməkdaşını işdən çıxarmağı planlaşdırır.

Teleqraf.com xəbər verir ki, hazırda telekanal öz biznesini qlobal rəqəmsal auditoriyaya köçürməklə məşğuldur.

Dünya mediasında yayılan məlumatlara görə, bu ixtisarlar CNN-ə istehsal xərclərini azaltmağa yardım edəcək. Təbii ki, məşhur əməkdaşları işdən çıxarılma təhlükəsi gözləmir.

Bundan başqa, bəzi teleşouların çəkilişləri qənaət məqsədilə Nyu-Yorkdan və Vaşinqtondan Atlantuya köçürülə bilər. Orada istehsal xərcləri daha ucuz başa gələcək.

Hazırda CNN-də 3,5 min nəfər çalışır.