Gürcüstan Baş nazirinin Ermənistana səfəri başladı

Gürcüstanın Baş naziri İrakli Kobaxidzenin başçılıq etdiyi nümayəndə heyətinin Ermənistana səfəri başlayıb.

Teleqraf.com-un yerli bürosu xəbər verir ki, İ.Kobaxidze səfər çərçivəsində Ermənistanın Baş naziri Nikol Paşinyanla təkbətək görüş keçirəcək.

Baş nazirlərin sədrliyi ilə İrəvanda Gürcüstan və Ermənistan arasında Hökumətlərarası İqtisadi Əməkdaşlıq Komissiyasının 14-cü iclası da keçiriləcək.

İclasdan sonra hökumət başçıları mətbuata birgə bəyanatlarla çıxış edəcəklər.

Qeyd edək ki, Gürcüstanın xarici işlər naziri Maka Boçorişvili də Ermənistana səfər edib. Rəsmi səfər çərçivəsində XİN başçısı erməni həmkarı Ararat Mirzoyanla təkbətək və nümayəndə heyətlərinin iştirakı ilə geniş tərkibdə görüş keçirəcək.

Görüşlərdən sonra XİN başçıları birgə mətbuat konfransı keçirəcəklər.