ABŞ ANAMA-ya dəstək verəcək

"ABŞ qarşıdan gələn iki il ərzində ANAMA-nın Çeyrançöl layihəsi çərçivəsində əlavə 23 kv.km-lik ərazinin təmizlənməsi və təhlükəsizliyin təmin olunması səylərinə dəstək verəcək".

Bu haqda ABŞ-ın Azərbaycandakı səfiri Riçard Morninqstar Bakıda Azərbaycan Respublikası Ərazilərinin Minalardan Təmizlənməsi üzrə Milli Agentliyi (ANAMA) ANAMA ilə NATO/NSPA Sülh Naminə Tərəfdaşlıq Etimad Fondu arasında Ceyrançöldə Mina və Partlamamış Hərbi Sursatların Təmizlənməsi birgə Layihəsinin birinci mərhələsinin tamamlanması və ikinci mərhələsinin açılışına həsr olunmuş mərasimdə bildirib.

Səfir deyib ki, ANAMA-nın əzmkarlığı nəticəsində 19 kv.km-lik ərazidə 173 təhlükə törədən mina və minlərlə partlamamış hərbi sursat zərərsizləşdirib: "Bu isə prinsip etibarilə hər aşkar olunmuş hərbi sursat kiminsə həyatının həyatının xilas olunması deməkdir".

Səfir bildirib ki, NATO SNT Etimad Fondu layihəsində aparıcı rol oynayan ABŞ Çeyrançöl minalardan təmizləmə layihəsinin növbəti mərhələsində də aparıcı rol oymamaqdan qürur duyur:

"Qarşıdan gələn iki il ərzində biz ANAMA-nın əlavə 23 kv.km-lik ərazinin təmizlənməsi və təhlükəsizliyin təmin olunması səylərinə dəstək verəcəyik. Həmçinin bu layihənin keçmiş iş fəaliyyətlərinə arxalanması və ANAMA-nın regional bacarıqlarının inkişafına töhfə verməsi bizi məmnun edir".

R.Morninqstar bu layihənin gerçəkləşməsində önəmli rol oynayan güclü əməkdaşlığı xüsusi vurğulayıb:

"Azərbaycan hökuməti tərəfindən Çeyrançöl layihəsinə göstərilən davamlı dəstək və hökumətin layihənin dəyərinin yarısını maliyyələşdirməsinə dair götürdüyü öhdəlik bugünkü uğuru təmin edir. Mən həmçinin layihənin peşəkar və səmmərəli icrasını həyata keçirlən NATO-nin Yardım Agentliyinə də öz təşəkkürmü bildirirəm. Ceyrançöl layihəsinin başlanmasından bəri ABŞ bu layihəyə 1 milyon dollardan çox vəsait yönəldib. Bununla yanaşı, 2000-ci ildən bəri ABŞ adi silahların zərərsizləşdirilməsi 22 milyon dollardan artıq vəsait xərcləyib. Maliyyələşməsi tamamlanmayan layihənin ikinci mərhələsinə əlavə yardım göstərməyimizə ümid edirəm. Mən beynəlxalq ictimaiyyəti gələcək 24 ay ərzində vəsait ayıraraq bu kimi vacib təşəbbüsə davamlı dəstək göstərməyə çağırıram".

/publika.az/