"İnsan dərisi"ndən mebel – FOTOLAR

Evə mebel alarkən daha çox onun interyerə uğun gəlməsinə, rahatlığına və qiymətinə fikir veririk. Lakin insan dərisindən hazırlanmış və ya insan ətinin iyini verən mebel təsəvvür edə bilirsinizmi?

Britaniyalı dizayner Cici Barker çılpaq insan bədənini xatırladan, əldə düzəldilmiş “dəri stul” və “dəri kətil” hazırlayıb.

Cicinin bildirdiyinə görə, o, stul və kətilin parçasını adını açıqlamadığı kişi modeldən ruhlanaraq yaradıb, bunun üçün onun qoxusunu və dərisinin rəngini xatırladan feromon hopdurulmuş silikondan istifadə edib.

Oturacaqlar dəyirmi formadadır. Onların dartıla bilməsi də insan dərisini təqlid edir. Materialın iyi isə modelin üz təraşından sonra istifadə etdiyi ətiri xatırladır.

Cici bu tip mebel hazırlamaqla insanın sanki öz dərisi kimi rahat və yumşaq mebel üzərində oturduğu hissini aşılamaq istəyir.

Dəri stulların qiyməti 2500, kətilin qiyməti isə 745 dollardır.

/publika.az/