Paşinyanı işğala çağırdı – “Putinə bax...”

Ermənistan Ukrayna yolu ilə gedir, Baş nazir Nikol Paşinyanın davranışları Prezident Vladimir Zelenskini xatırladır.

Teleqraf.com xəbər verir ki, bunu erməni əsilli rusiyalı jurnalist Aram Qabrelyanov deyib.

“Paşinyanın başqa yolu yoxdur, özünü qorumağa çalışır. O da Zelenski kimi Qərbə faydalı olduğunu göstərmək istəyir. Ermənistan üçün hər şey çox ağrılı bitəcək. Cəmiyyətin də ayağa qalxıb onun istefasını tələb edəcəyini hələ görmürəm”, - jurnalist bildirib.

Qabrelyanov əlavə edib ki, kökündən heç nə dəyişməsə, Paşinyan Ermənistanı Ukrayna yolunu təkrarlamağa aparacaq:

“Bu, qərblilərin hazırladığı mexanizmdir, eyni şey Saakaşvili ilə də olmuşdu”.

Jurnalist Paşinyanın işğalçılıq missiyasının olmadığını iddia edib və bu baxımdan Ukrayna ərazilərini ələ keçirən Rusiyanın liderini misal çəkib:

“Elə insanlar var ki, onların missiyaları var. Məsələn, Putinin bir missiyası var - ölkəni böyütmək (işğal hesabına – red.), Rusiyanı dirçəltmək və sair. Paşinyanın isə belə bir missiyası yoxdur”.