Şəmkirdə fərdi evdə yanğın söndürüldü - Yeniləndi

Şəmkir rayonunun Çinarlı qəsəbəsində fərdi evdə baş verən yanğın söndürülüb.

Teleqraf.com-un yerli bürosu xəbər verir ki, Fövqəladə Hallar Nazirliyinin Şəmkir rayonu Yanğından Mühafizə İdarəsinin əməkdaşları alovun digər otaqlara keçməsinin qarşısını alıblar.

Qəsəbəyə elektrik enerjisinin verilməsi bərpa olunub.

19:56

Şəmkir rayonunda fərdi evlərdən birində yanğın olub.

Teleqraf.com-un yerli bürosu xəbər verir ki, hadisə Çinarlı qəsəbəsinin İsmət Qayıbov küçəsində qeydə alınıb.

Qəsəbə sakini Elmidar Həsənova məxsus dörd otaqlı evin zirzəmisindən başlayan yanğın otaqlardan birinə keçib.

Hadisə yerinə Şəmkir rayon Yanğından Mühafizə İdarəsinin yanğınsöndürənləri cəlb olunub.

İlkin ehtimala görə, hadisəyə səbəb elektrik naqillərində yaranan qısaqapanmadır. Hazırda qəsəbəyə verilən elektrik enerjisi də kəsilib.