Romada ərə getmək istəyən qızlar etiraza qalxdı - Foto

Romada korona səbəbindən toyları təxirə salınan gəlinlər hökumətin məhdudiyyət tədbirlərinə etiraz olaraq küçələrə çıxıb.

Teleqraf.com xəbər verir ki, toyları təxirə salınan namizədlər gəlinliklərini geyinib şəhərin simvollarından biri olan Eşq bulağı kimi tanınan Trevi bulağının önünə toplaşıblar.

Əllərində pankartlarla şüarlar səsləndirən namizədlər hökumətin qərarlarını tənqid ediblər. Etirazçılardan biri sentyabr ayında evlənməyi planlaşdırdığını, amma məhdudiyyətlər səbəbindən toyun gələn ilə təxirə salındığını deyib.

Qeyd edək ki, Avropada epidemiyanın episentri kimi göstərilən İtaliyada karantin tədbirləri aylarla davam edib. Normallaşma addımları çərçivəsində məhdudiyyətlərin əksəriyyəti qaldırılsa da, kütləvi tədbirlərin keçirilməsi hələ də yasaqdır.