Maşallah Əhmədov həbs olundu - HÖKM OXUNDU/YENİLƏNİB

Bu gün Bakı Ağır Cinayətlər Məhkəməsində dələduzluqda təqsirləndirilən keçmiş futbolçu Maşallah Əhmədovun cinayət işi üzrə davam etdirilib.

Teleqraf.com xəbər verir ki, hakim Mirzə Xankişiyevin sədrliyi ilə keçirilən prosesdə təqsirləndirilən Maşallah Əhmədov son söz deyib.

O bildirib ki, Yusif Əzizovla İrandan üç maşın daş gətirib və sözləri düz gəlməyib, ayrılıblar: "Yusif Əzizov daşları sata bilmədi, mübahisə etdik. Ona torpağımı verdim, daşları götürdüm. Sonra torpağı da istəmədi, bəhanə edib, məni tutdurmaq istədi.

Mən ona daş da vermişəm. Yenə əl çəkmir, məndən ev də istəyir. Yusif Əzizovun istəyi nədir? Maddi ziyan ödənməlidir deyir, 128 min manat tələb edir, onu kim öyrədir, bunu bilmirəm. Məndən pul istəyir, ev istəyir, özü də bilmir, nə istəyir. Bunun bir nəticəsi olmalıdır. Ona iki "Kamaz" bahalı daş vermişəm. Bu nəzərə alınsın".

Maşallah Əhmədov bildirib ki, Yusif Nəzərov bir qurup şəxslə birləşərək, onu şantaj edir: "Təklif edirəm ki, ona 30 min verim, məndən əl çəksin. Məqsədi məni tutdurmaqdır. Bir ildir ev dustağıyam. Kimlərsə bunu öyrədib, məqsəd məni tutdurmaqdır".

Hakimlər müşavirəyə gedib yaxın saatlatda hökm oxunacaq.

Xatırladaq ki, dövlət ittihamçısı çıxışında Maşallah Əhmədovun 9 il azadlıqdan məhrum edilməsini istəyib.

Maşallah Əhmədov 2015-ci ilin dekabr ayının 14-də Binəqədi Rayon Polis İdarəsinin əməkdaşları tərəfindən saxlanılıb. Rəsmi məlumata görə, bizneslə məşğul olan "Neftçi"nin keçmiş futbolçusu Bakıda bir neçə nəfərə 150 min manatdan artıq dəyərdə xaricdən daş plitə gətirəcəyini vəd edib. Lakin o, sözünə əməl etməyib, həmin şəxslərin pulunu da qaytarmayıb.

Maşallah Əhmədov 1959-cu ildə Gəncədə anadan olub. 1977-ci ildən "Neftçi" klubunda oynayıb. 1995-ci ildə əsas milli komandada məşqçi, U-21-də isə baş məşqçi funksiyasını yerinə yetirib.

2008-ci ilin dekabrından etibarən İsgəndər Cavadovun rəhbərlik etdiyi Azərbaycan Regional Futbol Federasiyaları Assosiasiyasının vitse-prezidentidir.

Hacı Zeynalovun