Ağdaşda 17 yaşlı oğlan qız üstündə bıçaqlandı – Təfərrüat

Ağdaş rayonunun Aral-2 kəndində 2000-ci il təvəllüdlü Kənan Həsənov bıçaqlanıb.

Teleqraf.com xəbər verir ki, yaralı ağır vəziyyətdə xəstəxanaya yerləşdirilib, ona tibbi yardım göstərilib, vəziyyətinin ağır olduğu bildirilir.

Məlum olub ki, Kənan Həsənov həmkəndlisi ilə mübahisə edib. Mübahisəyə səbəb Kənan Həsənovun sevdiyi qıza həmkəndlisinin söz atması olub.

Onlar mübahisə ediblər, əlbəyaxa olublar. Həmin şəxs bıçaqla Kənan Həsənova kürək nahiyəsindən xəsarət yetirib.

Faktla bağlı Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb.