BMT baş katibi Ərdoğana təşəkkür etdi

Birləşmiş Millətlər Təşkilatının baş katibi Antonio Quterreş taxıl müqaviləsi ilə bağlı Prezident Ərdoğan və Türkiyəyə təşəkkür edib.

Teleqraf.com xəbər verir ki, o, İstanbulu “ehtiyatlı diplomatiyanın mühüm mərkəzi” adlandırıb.

“Bu məqamda İstanbulun dramatik problemlərin həlli üçün ehtiyatlı diplomatiyanın mühüm mərkəzinə çevrildiyini bir daha təsdiqləmək istərdim və çox səmərəli səylərinə görə Prezident Ərdoğana və Türkiyə hökumətinə dərin təşəkkürümü bildirmək istərdim”, - deyə Quterreş bildirib.