Üç ölkə Suriya hökuməti ilə müxalifəti dialoqa çağırdı

Rusiya, Türkiyə və İran Suriya hökuməti ilə müxalifət arasında dialoqun başlanmasına çağırır.

Teleqraf.com "RİA Novosti"yə istinadən xəbər verir ki, bunu Rusiyanın xarici işlər naziri Sergey Lavrov Doha Forumunda çıxışı zamanı deyib.

"Biz Suriyanın ərazi bütövlüyünü və suverenliyini qətiyyətlə təsdiqlədik və düşmənçilik hərəkətlərini dərhal dayandırmağa çağırdıq" - Lavrov bildirib.

Lavrovun sözlərinə görə, Moskva, Ankara və Tehran nümayəndələri 2254 saylı qətnamənin tam icrasını istəyir. Lavrov vurğulayıb ki, Rusiya tərəfi Suriya ərazilərinin silahlılar tərəfindən ələ keçirilməsini qəbuledilməz hesab edir.

Dekabrın 7 -də Dohada ( Qətər ) Rusiya , Türkiyə və İranın xarici işlər nazirləri Sergey Lavrov, Hakan Fidan və Abbas Araqçı arasında görüş keçirilib. Xarici işlər orqanları rəhbərləri arasında əsas dialoq mövzusu Suriyada hərbi əməliyyatların genişlənməsi ilə bağlı vəziyyət olub.