Rusiya ordusu irəliləyir - Bu ərazilər alındı

Rusiya ordusu Donetsk vilayətində Blaqodatnoye qəsəbəsini ələ keçirib. Hazırda hərbi birləşmələr qarşıya qoyulan tapşırıqları yerinə yetirmək üçün irəliləyirlər.

Teleqraf.com xəbər verir ki, bu barədə Rusiya Müdafiə Nazirliyinin açıqlamasında bildirilir: "Şimal hərbi qrupunun hücumları nəticəsində Donetskin Blaqodatnoye qəsəbəsi azad olundu".

Açıqlamada, həmçinin qeyd olunur ki, son 24 saatda 139 bölgədə Ukraynanın hərbi hava limanı infrastrukturuna və enerji elementlərinə qarşı hücumların həyata keçirildiyi, müharibə başlayandan bu yana 649 təyyarə, 283 helikopter, 37 min 468 pilotsuz uçuş aparatı( PUA), 586 hava hücumundan müdafiə raket sistemi, 1705 tank və zirehli texnika, 1500 çoxlüləli reaktiv yaylım atəşi sistemi, 19220 haubitsa və minaatan, habelə 29 min 96 xüsusi təyinatlı hərbi maşın məhv edilib.

Xatırladaq ki, Rusiya Müdafiə Nazirliyi dünən ordunun Donetsk vilayətində Berestki qəsəbəsini ələ keçirdiyini açıqlamışdı.