İrana ciddi təzyiq var, Zəngəzurla bağlı mövqeyi dəyişəcək - Qeqamyan

Qərb Zəngəzur dəhlizinə münasibətini dəyişməsi üçün İrana təzyiqi gücləndirəcək.

Teleqraf.com xəbər verir ki, bunu erməni politoloq Varujan Qeqamyan deyib.

“İran dəhliz məsələsində əsas müxalifət olaraq qalır. Amma Qərbin artan təzyiqləri fonunda İranın bizim üçün çox faydalı olan bu mövqeyi dəyişdirilə bilər”, - ekspert qeyd edib.

Qeqamyanın fikrincə, 2025-ci ildə dəhlizin açılması üçün İranla yanaşı, Ermənistana da güclü təzyiqlər olacaq. Erməni analitik Tehran və İrəvanın bu təzyiqlərə tab gətirməyəcəyini ehtimal edir.