Yazıçı ilk kitabını təqdim edəcək: Hədiyyəli səhifələr - İlk

Yazıçı Emin Abdullayevin (Emin Uraqan) “Hərbdən qeydlər” adlanan ilk kitabı işıq üzü görüb.

Bu barədə Teleqraf.com-a müəllifin özü məlumat verib.

"XAN" Nəşriyyatında çap olunan kitabda Uraqan Eminin hərbi xidmətdə yazdığı fəlsəfi düşüncələri, hekayə və məqalələri yer alıb.
Müəllif bildirib ki, kitabın içindəki əlfəcin oxucuya imza günündə 20 manat dəyərində hədiyyə kartı qazandıra bilər: “Bununla da Kitabevim.az mağazalarından 20 manata qədər alış-veriş edib istənilən kitaba sahib olmaq mümkündür”.

Müəllifin imza günü və kitabın təqdimatı oktyabrın 28-də Kitabevim.az kitab mağazasında keçiriləcək.
Kitabın qiyməti 3,50 manatdır.