Aygün Səmədzadə: "Flora Kərimova və İlhamə Quliyeva qarşılaşmamaq üçün..."

"Yaradıcılıq gecəmə həsr olunan konsertimdə xalq artistləri Flora Kərimova və mərhum İlhamə Quliyeva iştirak etməli idi. Onların arasında soyuq münasibət olduğuna görə Flora xanım konsertimdə iştirak etmədi".

Teleqraf.com xəbər verir ki, bu sözləri xalq artisti, bəstəkar Aygün Səmədzadə “Özəl” verilişində deyib:

"Flora Kərimova dedi ki, İlhamə Quliyeva o konsertə gələcəksə, mən gəlməyəcəyəm. Səbəbini mən də dəqiq bilmirəm, amma ehtimal ki, Flora xanım bunu İlhamə Quliyeva ilə qarşılaşmamaq üçün etmişdi. Məndə çox istəyirdim ki, “Ruhumuz qovuşacaq” mahnısı konsertimdə ifa olunsun, çünki ilk yazdığım mahnı idi.

Həmin mahnı Flora Kərimovanın ifasında böyük uğur qazanmışdı. 1997-ci il idi, amma məni o dövrdə tanımırdılar. Mahnını konsertdə əməkdar artist Elton Hüseynəliyev ifa etdi".