Sülh Zəngəzur dəhlizinin açılmasını təmin edəcək - Kalın

Ermənistanla Azərbaycan arasında yekun sülh sazişinin imzalanması Cənubi Qafqazda sülh və sabitliyin təmin olunması baxımından vacibdir.

Teleqeraf.com xəbər verir ki, bu sözləri Türkiyə Milli Kəşfiyyat İdarəsinin (MİT) rəhbəri İbrahim Kalın Bakı Təhlükəsizlik Konfransında çıxışı zamanı deyib.

O bildirib ki, 44 günlük müharibə nəticəsində Azərbaycan Qarabağı işğaldan azad edib və indi orada bərpa-yenidənqurma işləri görülür.

Kalın qeyd edib ki, bu sülh həm də Zəngəzur dəhlizinin açılmasını təmin edəcək: “Nəticədə region dövlətləri Azərbaycan-Ermənistan-Naxçıvan-Türkiyə-Avropa marşrutu vasitəsilə bir-biri ilə bağlanacaq”.