Rusiya atəşkəs istəyir

Rusiya Xarici İşlər Nazirliyi İsrailin Qəzza zolağında həyata keçirdiyi hərbi əməliyyatların dayandırılmasını və dərhal atəşkəsin əldə olunması ilə bağlı bəyanat verib.

ANS PRESS-in məlumatına görə, rəsmi Moskva Qəzzada vəziyyətin getdikcə pisləşdiyini və İsrailin başladığı quru hücumlarında bölgədə humanitar böhrana səbəb olduğunu bəyan edib:

"İndi təcili olaraq Fələstin və israilli vətəndaşların ağrılarına son verilərək, mülki insanların qırılmasına son vermək lazımdır. Dinc insanlara qarşı törədilən bu qırğınlar beynəlxalq ictimaiyyətin təcili və uyğun əməkdaşlığını tələb edir".

Rusiya XİN-i İsrail və Fələstin arasında atəşkəs təmin edilməsi üçün Misirin səylərinə dəstək verdiyini də aşıqlayıb.