Ukraynada durum dəyişir - “Tezliklə müharibə dayandırılacaq”

İnsan resurslarının olmaması Ukraynanı sürətlə atəşkəsə məcbur edən əsas səbəb olacaq.

Teleqraf.com xəbər verir ki, bunu Polşa Quru Qoşunlarının keçmiş komandanı, general Valdemar Skşipçak deyib.

“Ukraynalıların əsgəri yoxdur, bu, onların ötən ilin iyunundan üzləşdikləri və öhdəsindən gələ bilmədikləri əsas problemdir. Fikrimcə, bu, Ukraynanın tezliklə atəşkəs əldə etməyə çalışmasına gətirib çıxaracaq əsas şərtdir, çünki onun müharibə aparmağa gücü çatmayacaq", - general vurğulayıb.

Skşipçak qeyd edib ki, Rusiya ordusu Ukraynanın müdafiə xəttini yarıb keçə bilər.