Gəncədə yol qəzasında xəsarət alanların sayı 5-ə çatdı - 4-ü uşaqdır/Foto/Video/Yeniləndi

Gəncədə yol qəzasında xəsarət alan şəxslərin sayı 5 nəfərə çatıb.

Teleqraf.com-un yerli bürosu xəbər verir ki, "Totanlı" dairəsi adlanan ərazidə baş verən yol qəzasında xəsarət alanlardan 4-ü azyaşlıdır.

Qəzada 9 yaşlı T. Hüseynovla yanaşı, 13 yaşlı İ. B-lı, 12 yaşlı Ə. Əliyev, 8 yaşlı E. Əliyev və 24 yaşlı Qurban İbrahimov müxtəlif dərəcəli bədən xəsarətləri alıblar. Yaralılardan azyaşlılar Gəncə Birləşmiş Uşaq Xəstəxanasına, Q.İbrahimov isə şəhərin digər tibb müəssisəsinə yerləşdirilib. Yaralıların vəziyyəti orta-ağırdır.

21:30

Gəncə şəhərində "VAZ 2106" markalı avtomobillə "VAZ 2107" markalı maşının toqquşması ilə nəticələnən yol qəzası baş verib.

Teleqraf.com-un yerli bürosu xəbər verir ki, hadisə şəhərin "Totanlı" dairəsi adlanan ərazisində qeydə alınıb

İlkin məlumata əsasən qəzada xəsarət alanlar var.

2016-cı il təvəllüdlü T.Hüseynov Gəncə Birləşmiş Xəstəxanasına çatdırılıb. Onun vəziyyəti orta-ağır kimi qiymətləndirilir.

Faktla bağlı araşdırma başlanılıb.