İsraildə yüzlərlə uşağın ölümü bayram edildi – FOTO

Qəzzada İsrail ordusunun 1 aya yaxındır apardığı hərbi əməliyyatlar zamanı təxminən 200-ə yaxın uşaq həlak olub.

Məlumata görə, ötən gün Təl-Əvivdə bir qrup yəhudi Qəzzada ölən uşaqlara görə şadyanalıq edib.

Olduqca şən görünən qrup, “Sabah məktəb olmayacaq, çünki Qəzzada uşaq qalmayacaq” deyə qışqırıblar.

Onlar həmçinin, İsrail parlamentinin ərəb millət vəkilləri Əhməd Tibi və Hanin Zubini də hədələyiblər. Hər iki millət vəkilini terrorçu adlandıran qrup Tibini uşaqlarını öldürəcəkləri ilə hədələyiblər: “Bil ki, bundan sonrakı uşaq səninki olacaq”.

Daha sonra qrup, “Ərəblərə nifrət edirəm”, “Qəzza qəbiristanlıqdır”, - deyə qışqırmağa başlayıblar.

/axar.az/