Şirvanda 5 kiloqram narkotik vasitə dövriyyədən çıxarıldı

Şirvan Şəhər Polis Şöbəsinin əməkdaşlarının narkotik vasitələrin qanunsuz dövriyyəsinə qarşı həyata keçirdikləri tədbirlərlə əvvəllər də eyni əmələ görə məhkum olunmuş Tərlan Vəliyev saxlanılıb.

Bu barədə Teleqraf.com-a Daxili İşlər Nazirliyinin mətbuat xidmətinin Lənkəran regional qrupundan məlumat verilib.

Bildirilib ki, adıçəkilən şəxsdən tərkibi 5 kiloqram marixuana və metamfetamin götürülüb.

Faktlarla bağlı cinayət işi başlanılıb, saxlanılan şəxs barəsində həbs qətimkan tədbiri seçilib.