Zərdabda narkokuryerlik edən şəxs saxlanıldı

Zərdab Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində sosial şəbəkələrin birində tanış olduğu İran vətəndaşı tərəfindən narkokuryerliyə cəlb olunan Füzuli rayon sakini Toğrul Abbasov saxlanılıb.

Teleqraf.com xəbər verir ki, bu barədə Daxili İşlər Nazirliyinin Mətbuat Xidmətinin Şirvan regional qrupundan məlumat verilib.

Bildirilib ki, adıçəkilən şəxsdən 6 kiloqram marixuana və heroin götürülüb.

Faktla bağlı cinayət işi açılıb, saxlanılan şəxs barəsində həbs qətimkan tədbiri seçilib.