"Barselona" futbolçusunun müqaviləsini yenilədi

İspaniyanın "Barselona" klubu futbolçusu Jerar Martinlə yeni müqavilə bağlayıb.

Teleqraf.com klubun rəsmi saytına istinadən xəbər verir ki, kataloniyalılar 22 yaşlı müdafiəçi ilə 2028-ci ilə qədər sözləşmə imzalayıb.

İspaniyalı futbolçu cari mövsüm ərzində meydana çıxdığı 18 oyunda 2 məhsuldar ötürmə müəllifi olub.

Qeyd edək ki, Jerar Martin "Barselona"nın əsas komandasında bu mövsüm debüt edib. O, 2023-cü ildən Kataloniya klubunun sistemindədir.