"Turan Tovuz"un legioneri Liviya klubuna keçdi

Azərbaycan Premyer Liqası iştirakçısı “Turan Tovuz” nigeriyalı futbolçusu Otto Conla yolları ayırıb.

Teleqraf.com klubun mətbuat xidmətinə istinadən xəbər verir ki, Tovuz təmsilçisi 27 yaşlı hücumçunun transferi ilə bağlı Liviyanın “Al Madina” klubu ilə razılıq edib.

Qeyd edək ki, Otto Con 2023-cü ilin yayında “Turan Tovuz”a keçmişdi. Bu komanda ilə 56 oyunda meydana çıxan Con 16 qol vurub.