"Zirə" "Qarabağ"a qarşı

Bu gün Azərbaycan Premyer Liqasında XXI tura yekun vurulacaq.

Teleqraf.com xəbər verir ki, turun bağlanış gününün yeganə matçında “Zirə” lider “Qarabağ”ı qəbul edəcək. Zirə İdman Kompleksində baş tutacaq matç saat 19:00-da start götürəcək.
Ağdam təmsilçisi qalib gələcəyi halda, xal sayını 53–ə çatdıraraq, ikinci pillədən 10 xal uzaqlaşacaq. “Qartallar” isə qalibiyyət təqdirində, 39 xalla yenidən şəriksiz 3-cü pillədə yer alacaq.

Azərbaycan Premyer Liqası, XXI tur

19:00. “Zirə” - “Qarabağ”

Hakimlər: Rəvan Həmzəzadə, Cəmil Quliyev, Şirmamed Mamedov, Elçin Məsiyev
VAR hakimi: Rauf Cabarov
AVAR hakimi: Pərvin Talıbov
Hakim-inspektor: Anar Salmanov
AFFA nümayəndəsi: Kifayət Mustafayeva
Zirə idman kompleksi

Qeyd edək ki, turun əvvəlki oyunlarında "Kəpəz" "Sabah"a 3:2, “Neftçi” “Şamaxı”ya 1:0 hesabı ilə qalib gəlib. “Turan Tovuz” evdə “Səbail”lə 1:1, “Sumqayıt” isə “Araz-Naxçıvan”la 0:0 hesablı heç-heçə edib.