"Real" və "Yuventus" yarımfinalda- VİDEO

Bu gün Çempionlar Liqasında 1/4 finalın cavab oyunlarına yekun vurulub. Daha iki yarımfinalçının adı bəlli olub

Teleqraf.com xəbər verir ki, "Real" doğma meydanda "Atletiko" ilə münasibətlərinə aydınlıq gətirib. Komandaların ilk görüşündə qapılar toxunuımaz qalıb. Cavab qarşılaşmasında kimin qalib ayrılacağı maraqla gözlənilirdi.

Matçın taleyini bir qol həll edib. Xavyer Ernandes oyunun sonlarına yaxın fərqlənməklə komandasını yarımfinala daşıyıb.

"Yuventus" səfərdə "Monako" ilə üz-üzə gəlib. Öz meydanında knyazlıq təmsilçisinə minimal hesabla qalib gələn Turin klubu bu dəfə rəqibi ilə Fransada görüşüb. Qarşılaşma 0:0 hesabı ilə bitib və iki oyunun cəminə görə yarımfinala adlayıb.

Çempionlar Liqası, 1/4 finalın cavab oyunları

22 aprel

"Real" - "Atletiko" - 1:0

Qol: Xavyer Ernandes, 88

Baş hakim: Feliks Brix (Almaniya)

Madrid. "Santyaqo Bernabeu" stadionu.

İlk oyun: 0:0

"Monako" - "Yuventus" - 0:0

Baş hakim: Uilyam Kollam (Şotlandiya)

Monako. "Stad Luis II" stadionu

İlk oyun: 0:1

Rüstəm