Rusiya Ermənistanda hərbi təlimlərə başladı

Rusiya Silahlı Qüvvələrinin Cənub Hərbi Dairəsinin Ermənistanda yerləşən hərbi bazasında taktiki-hərbi təlimlərə start verilib.

Alınan məlumata görə, 800 nəfər hərbi qulluqçu və 150 ədəd zirehli texnikanın iştirak etdiyi təlimlərə snayper, kəşfiyyatçı qrupları, tank və artilleriyalar dəstək verib.

Təlimlərdə şəxsi heyətin döyüş meydanında bacarıqlarına, atəş nöqtələrinin və döyüş maşınlarının maskalanmasına, dağlıq ərazidə müdafiə istehkamlarının yaradılmasına diqqət yetirilib.

/axar.az/