Təzyiq qalxır: “Yanvarın 20-dək...” - Tramp və Baydendən qarşılıqlı ittihamlar

“Yanvarın 20-dək prezident mən deyiləm, amma bu gün hamıya mesajım budur: maska taxın”.

Teleqraf.com xəbər verir ki, bunu ABŞ-ın yeni seçilmiş Prezidenti Co Bayden deyib.

Yanvarın 20-də təhvil-təslim mərasiminə qədər ABŞ-ın rəsmən dövlət başçısı olan Donald Tramp isə seçkilərin nəticələrində hiylənin olduğu iddiasını müdafiə etməkdə davam edir:

“Nevada saxta səslərin çuxuru çıxdı. Hər kəsi şoka salacaq faktlar var”.

ABŞ lideri Viskonsindəki nəticələrdən razı qaldığını bildirib: “Viskonsin daha yaxşı görünür. Qanuna uyğun olaraq, bir az da vaxt lazımdır. Yaxınlarda olacaq”.

Donald Tramp lap əvvəldən öndə olduğu, lakin Bayden qarşısında geriyə düşərək seçkiləri uduzmasına yol açan Pensilvaniya ştat ilə bağlı bunları deyib:

“Pensilvaniyada səslərin sayılmasını müşahidə etməyimizə mane oldular. Bu, ağlasığmaz və qanunsuzdur”.

Az fərqlə məğlub olduğu Corciya üçün isə, “Seçki gecəsi olduğu kimi Corciya zəfərin zirvəsi olacaq” ifadələrinə yer verib.