17 min canlı qüvvə, 123 qırıcı, 4 “İsgəndər” kompleksi... – Rus ordusunun itkisi

Fevralın 24-dən martın 28-dək rus ordusunun döyüş itkiləri təxminən 17 000 nəfərdir.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumatda qeyd edilib ki, bundan başqa, rus ordusu həmin tarixdən bu günədək 586 tank, 1694 zirehli döyüş maşını, 302 artilleriya sistemi, 95 yaylım atəş sistemi, 554 hava hücumundan müdafiə sistemi, 123 təyyarə, 127 helikopter, 1150 nəqliyyat vasitəsi, 7 gəmi/kater, 73 yanacaq sisterni, 66 əməliyyat-taktiki dronu, 21 xüsusi texnika və 4 “İsgəndər” raket kompleksini itirib.