Səudiyyə Ərəbistanı neftin qiymətini aşağı salır

Səudiyyə Ərəbistanının dövlət nəzarətində olan "Saudi Aramco" şirkəti iyun ayı üçün Asiyaya tədarük etdiyi "Arab Light" markalı xam neftin qiymətini son 4 ayda ilk dəfə olaraq 9,35 dollardan 4,40 dollara endirdi.

Teleqraf.com xəbər verir ki, bu barədə "Bloomberg" məlumat yayıb.

Bundan əlavə, Şimal-Qərbi Avropa və demək olar ki, bütün Aralıq dənizi üçün qiymətlər endirilib. ABŞ-da qiymətlər may ayı səviyyəsində qalıb.

Səudiyyə Ərəbistanı Rusiyanın Ukraynaya müdaxiləsindən sonra "Brent"in barelinin 100 dollardan yuxarı qalxmasından sonra ilk dəfə neftin qiymətini aşağı salıb. Ümumilikdə qiymət artımı Rusiya tədarükləri ətrafında qeyri-müəyyən vəziyyət və Rusiyadan ixracın azalması fonunda baş verir, çünki Aİ Rusiya enerjisindən imtina etmək kursunu götürüb. Bundan əlavə, vəziyyətə Çindəki karantin qaydalar təsir göstərir.

Səudiyyə Ərəbistanı xam neft ixracının 60%-dən çoxunu Asiyaya göndərir, Çin, Yaponiya, Cənubi Koreya və Hindistan ən böyük neft alıcılarıdır.