Ukrayna Tramp gələnə qədər 6 milyard dollar alacaq - Ağ Ev söz verdi

ABŞ-ın hazırkı administrasiyası Konqresin əvvəllər Ukraynaya yardım üçün ayırdığı bütün vəsaitləri həyata keçirməyi planlaşdırır.

Teleqraf.com xəbər verir ki, bu barədə Amerika prezidentinin milli təhlükəsizlik üzrə köməkçisi Ceyk Sallivan CBS telekanalında danışıb.

O xatırladıb ki, söhbət Kiyevin yanvarın 20-dək alacağı 6 milyard dollardan gedir. “Yanvarın 20-də seçilmiş prezident Donald Trampın andiçmə mərasiminə qədər biz Ukraynaya Konqresin təsdiqlədiyi bütün resursları və yardımı göndərəcəyik”, - deyə Sallivan bildirib.