Şəmkirdə və Ucarda ağır qəzalar: 4 nəfər öldü, 7 nəfər yaralandı

Şəmkir rayonu ərazisində baş verən avtobus qəzası nəticəsində 3 nəfər dünyasını dəyişib.

Səhiyyə Nazirliyindən Teleqraf.com-a verilən məlumata görə, hadisə nəticəsində 7 nəfər müxtəlif dərəcəli bədən xəsarətləri alıb: "Yaralılar Şəmkir Rayon Mərkəzi Xəstəxanasına yerləşdirilib. Onlardan birinin vəziyyəti ağır, 6-sının vəziyyəti isə orta ağır qiymətləndirilir. Hazırda xəstələrə tibbi yardım göstərilir".

Xatırladaq ki, Şəmkir rayonunun Qaracəmilli kəndində Şəmkir-Qaracəmilli marşrutu üzrə hərəkət edən avtobus yoldan çıxaraq aşıb.

Bundan başqa, Ucar rayonunda yol qəzası baş verib.

Hadisə Bakı-Qazax avtomobil yolunun 262-ci kilometrliyində, rayonun Qazıqumlaq kəndi ərazisindən keçən hissəsində qeydə alınıb.

Belə ki, "QAZ-66" markalı kranla "Ford Transit" markalı yük maşını toqquşub.

Nəticədə 1 nəfər ölüb.

Hazırda ölən şəxsin kimliyi dəqiqləşdirilir.