Əli Kərimli sərbəst buraxıldı - Yeni

Bir qədər əvvəl həbs olunan Əli Kərimli sərbəst buraxılıb.

Binəqədi rayon Məhkəməsinin Dəftərxana müdirinin Axar.az-a verdiyi məlumata görə isə Əli Kərimlinin həbsi ilə bağlı hər hansı məhkəmə qərarı yoxdur.

Bununla belə, Binəqədi Rayon Polis İdarəsində dindirilən Əli Kərimlinin izahatı alındıqdan sonra sərbəst buraxıldığı bildirilir.

***

13:49

AXCP sədri Əli Kərimli polis tərəfindən saxlanılıb.

Axar.az xəbər verir ki, Ə.Kərimlinin Müsavat Partiyasının qərargahına siyasi və ictimai fəallarla bağlı marafona qoşulmaq üçün gedərkən polis tərəfindən saxlanıldığı bildirilib. Onun Binəqədi Rayon Məhkəməsinin qərarı ilə həbs olunduğu da bildirilib.

Əli Kərimli ictimai asayişi kobud şəkildə pozan, qanunların tələblərinə riayət etməyən, polisə müqavimət göstərən və digər bu kimi qanunazidd əməllər törədən şəxslərə kəsilmiş cərimələrin ödənilməsinə guya yardım göstərmək məqsədilə “xeyriyyə marafonu” adı altında müxtəlif çağırışlar irəli sürmüş və kampaniya təşkil etməyə çalışmışdı.