“Ağstafa Sənaye Kombinatı”nın səhmdarları vergi borcları ilə bağlı toplaşır

“Ağstafa Sənaye Kombinatı” ASC yaranmış vergi borcunun ödənilməsi üçün maliyyə mənbələrinin axtarılması ilə bağlı səhmdarlarını toplayır.

Teleqraf.com xəbər verir ki, fevralın 21-də ASC-nin səhmdarlarının növbəti ümumi yığıncağının keçirilməsi nəzərdə tutulub.

İclasın gündəliyinə cəmiyyətin 2024-cü ilin maliyyə təsərrüfat fəaliyyətinə dair idarə heyətinin hesabatı, təşkilatı məsələlər, yaranmış vergi borcunun ödənilməsi üçün maliyyə mənbələrinin axtarılması və cəmiyyətin balansında olan mərkəzi bazada yerləşən əmlak kompleksinin satılması daxildir.